Teiknimyndin Svampur Sveinsson: Svampur á þurru landi verður frumsýnd hér á landi í lok janúar. Ef marka má plakat myndarinnar virðist Svampur Sveinsson hafa umbreytt líkama sínum fyrir hlutverkið.
Svampur Sveinsson er orðinn massaður á plakati fyrir myndina Svampur Sveinsson: Svampur á þurru landi. Í myndinni halda Svampur og félagar upp á þurrt land eftir að sjóræningi stelur frá Svampi blaðsíðu úr galdrabók til að öðlast mátt illra verka.
Við þetta getur Svampur auðvitað ekki sætt sig við en glímir við það vandamál ásamt sínu trygga föruneyti sínu að þeir félagar mega sín lítils á þurru landi svona litlir og aumir. Til að ráða bót á þeim vanda breyta þeir sér einfaldlega í ofurhetjurnar sem geta flest og framundan er barátta og ævintýri sem er engu öðru líkt.
Þetta minnir óneitanlega á ótrúlega umbreytingu kattarins Klóa, sem prýðir Kókómjólkurfernurnar, en á síðasta ári varð hann skyndilega helköttaður.
