Talið að karl og kona hafi látist í brunanum – Ekki hægt að ræða við þau sem handtekin voru sökum ástands

Tvennt er í haldi lögreglunnar á Suðurlandi vegna brunans sem upp kom í einbýlishúsi á Kirkjuvegi á Selfossi skömmu fyrir klukkan 16 í gær. Ekki hefur verið unnt að taka skýrslu af þeim vegna ástands þeirra, segir í tilkynningu frá lögreglu.

Í tilkynningu frá lögreglu kemur fram að talið sé að karlmaður og kona sem voru á efri hæðinni þegar eldurinn kom upp hafi látist í brunanum. Að sögn lögreglu hafa aðstandendur fólksins sem saknað er verið látnir vita.