Tveir menn réðust á annan í Árbænum í nótt. Lögreglan á höfuðborgarsvæðinu telur að árásin hafi hugsanlega verið hatursglæpur vegna kynvitundar. Þetta kemur fram á vef RÚV.
Fórnarlambið var flutt á sjúkrahús með nokkra áverka en árásarmennirnir hafa ekki fundist. Málið er eitt af þeim sem er lýst í dagbók lögreglunnar í morgun en þar segir að um sextíu mál hafi verið bókuð í nótt.
Sex ökumenn voru handteknir grunaðir um akstur undir áhrifum. Þá var maður handtekinn á heimili sínu grunaður um þjófnað á hóteli í miðbæ Reykjavíkur en lögreglumenn báru kennsl á hann eftir að hafa skoðað upptökur úr eftirlitsmyndavél staðarins.