Lögreglan gefur ekki upp neinar upplýsingar um aðgerðir sínar við Ægissíðu í Reykjavík. Sérsveitarmenn eru á vettvangi og fjölmiðlar hafa greint frá því að maður hafi verið handtekinn í garði í Vesturbænum.
Hér er það sem við vitum um málið:
- Aðgerðin tengist húsi á svæðinu en talið er að vopnaður maður gæti verið innandyra.
- Lögreglan hefur lokað Ægissíðu við Hofsvallagötu
- Fréttablaðið greinir frá því að lögregla hafi komið þeim skilaboðum til stjórnenda leikskólans Ægisborgar að starfsfólk og börn skuli halda sig innandyra.
- Á annan tug lögreglubíla eru á svæðinu og minnst tveir sjúkrabílar.
- Búið er að taka yfir bensínstöð N1 á svæðinu undir aðgerðarstöð lögreglu.
- Vísir hefur eftir íbúa á svæðinu að tveir farþegar leigubíls hafi verið fluttir af vettvangi af lögreglu og að annar þeirra haf verið illa farinn í andliti, líkt og hann hefði orðið fyrir líkamsárás.
Uppfært kl. 10.34: Hópur sérsveitarmanna hefur ráðist inn í húsið, samkvæmt Fréttablaðinu.
Uppfært kl. 10.39: Lögregla leiddi einn mann út í járnum og upp í lögreglubíl. Mestu aðgerðirnar virðast yfirstaðnar samkvæmt RÚV.
Fréttin verður uppfærð.