Þetta eru 13 bestu sketsar Svínasúpunnar: „Hringir ekki frændi minn hann Valur í Buttercup“ -

Gamanþættirnir Svínasúpan hófu göngu sína á Stöð 2 í lok árs 2003 og voru gríðarlega vinsælir en leikendur í þáttunum voru úrvalslið íslenskra grínara á þeim tíma.

Þættirnir skörtuðu Auðun Blöndal, Sveppa, Pétri Jóhanni, Sigurjóni Kjartanssyni og Jóni Gnarr. Þá voru Guðlaug Elísabet Ólafsdóttir og Edda Björg Eyjólfsdóttir sem gerðu það gott í Stelpunum einnig með.

Nútíminn lagðist í rannsóknarvinnu og horfði á hvern einasta þátt til að taka saman 13 bestu sketsana. Gjörið þið svo vel.