Thomas Moller Olsen segist hvorki hafa myrt Birnu Brjánsdóttur né flutt 23,4 kíló af kannabisefnum til Íslands. Þetta kom fram við þingfestingu málsins í Héraðsdómi Reykjaness sem hófst kl. 13 í dag en RÚV greinir frá.
Meðal þeirra gagna sem saksóknari í málinu, Kolbrún Benediktsdóttir, lagði fram í málinu er rannsókn á geðheilsu Thomasar. Verjandi hans fór fram á frest til að meta hvort hann ætlaði að skila greinargerð í málinu. Fékk hann tveggja vikna frest til þess.
Í greinargerð héraðssaksóknara sem birt var fjölmiðlum í gær kemur fram að Thomas hafi beitt Birnu ofbeldi í bílaleigubíl og hent henni í sjó eða vatn með þeim afleiðingum að hún drukknaði.
Hann sló hana ítrekað í andlit og höfuð, tók hana kverkataki og herti kröfuglega að hálsi hennar og í framhaldinu, á óþekktum stað, varpaði hann Birnu í sjó eða vatn. Hlaut hún ýmsa áverka við árásina og drukknaði í sjónum eða vatninu.
Birna hlaut punktblæðingar á augnlokum, táru og glæru augnlokanna og innanvert höfuðleður, þrýstingsáverka á hálsi, þar á meðal brot í vinstra efra horn skjaldkirtilsbrjósks, nefbrot og marga höggáverka í andlit og á höfuð.
Báðir foreldrar Birnu fara fram á að Thomas gerði þeim 10 og hálfa milljón í miskabætur, eða samtals 21 milljón króna.