Appið YouCam nýtur gríðarlegra vinsælda hér á landi. Með appinu er hægt að umbreyta útliti sínu, með misjöfnum árangri þó, og hægt er að gera allt frá því að mjókka andlit og nef, stækka varir og breyta lit augna.
Sjá einnig: Sorgmædd yfir því að ungar stúlkur noti app til að breyta útlitinu
En hvað ef þingheimur fengi slíka fegrunaraðgerð? Nútíminn setti nokkra þingmenn í gegnum appið og útkoman er vægast sagt glæsileg.
Guðlaugur Þór með plokkaðar augabrúnir, hærri kinnbein og þrýstnar varir er stórglæsilegur
Ljóst er að Brynjar Níelsson ætti að endurskoða hárlitinn og fara meira í þessa átt
Það mætti halda að ekkert hafi verið átt við þessa mynd af Guðmundi Steingrímssyni — svo náttúrulegur er hann með bleikar varir og óaðfinnanlegar augabrúnir
Katrín Jakobsdóttir var engin skinka á sínum yngri árum en smá brúnka og hvítari tennur koma henni í áttina
Árni Páll hefur ástæðu tul að brosa enda með glæsilegan, ljósan og krullaðan koll
Hæ sæta. Nei, vó. Ert þetta þú, Gunnar Bragi Sveinsson utanríkisráðherra?
Vigdís Hauksdóttir hreinlega geislar eftir þessa fegrunaraðgerð
Bjarni Benediktsson hefði greinilega gott af smá brúnku. Og grænum linsum
Sigmundur Davíð gæti litið svona út eftir ferð á góða strönd. Hressilegt útlit!
