Mikið magn stolinna mynda af Hollywood-stjörnum var dreift um netheima í gær og í nótt. Á meðal þeirra voru nektarmyndir af Óskarsverðlaunaleikkonunni Jennifer Lawrence en fjölmörgum Twitter-reikningum, sem birtu slíkar myndir, hefur verið lokað.
Umræða um myndirnar hófst á spjallsíðunni 4Chan í gær, þar sem notendur birta efni á nafnlausan hátt. Þar kom fram að tölvuþrjótur hafi brotist inn í iCloud-reikning stjarnanna og stolið þaðan myndum af stjörnum á borð við Kate Upton, Jenny McCarthy, Kate Bosworth og Kim Kardashian.
Talsmaður Jennifer Lawrence sendi frá sér eftirfarandi yfirlýsingu um málið:
Þetta er augljóst brot á friðhelgi einkalífsins. Við höfum haft samband við yfirvöld og hver sem dreifir stolnum myndum af Jennifer Lawrence verður ákærður.
Brotaþolar tölvuþrjótsins virðast vera fjölmargir en á listanum sem birtist á 4Chan eru Avril Lavigne, Amber Heard, Brie Larson, Candice Swanepoel, Cara Delevigne, Emily Ratjakowski, Farrah Abraham, Gabrielle Union, Hayden Pannettiere, Hope Solo, Hillary Duff, Jenny McCarthy, Kayley Cuoco, Kate Upton, Kate Bosworth, Keke Palmer, Kim Kardashian, Kirsten Dunst, Krysten Ritter, Lea Michele, Lizzy Caplan, Mary Kate Olsen, Mary Elizabeth Winstead, Rihanna, Scarlet Johansson, Selena Gomez, Vanessa Hudgens og Wynona Ryder.
Fæstar hafa stjörnurnar brugðist opinberlega við en leikkonan Mary E. Winstead hafði þetta um málið að segja á Twitter:
To those of you looking at photos I took with my husband years ago in the privacy of our home, hope you feel great about yourselves.
— Mary E. Winstead (@M_E_Winstead) August 31, 2014
Knowing those photos were deleted long ago, I can only imagine the creepy effort that went into this. Feeling for everyone who got hacked.
— Mary E. Winstead (@M_E_Winstead) August 31, 2014