Breski söngvarinn Tom Odell er á leiðinni til landsins og kemur fram í Eldborgarsal Hörpu 24. ágúst næstkomandi. Þetta kemur fram í Fréttablaðinu í dag.
Odell er þekktastur fyrir smellinn Another Love sem kom út árið 2012 og fór ofarlega á vinsældarlista um allan heim. Hlustaðu á lagið hér fyrir neðan.
Í Fréttablaðinu kemur fram að Tom ætli að taka lög af nýju plötunni sinni ásamt eldra efni. Þetta er í annað skipti sem hann kemur fram á tónleikum á Íslandi en hann kom fram í Hörpu fyrir tveimur árum.
Miðasala hefst miðvikudaginn 3. ágúst.