Rangan Chatterjee er gestur Helgu Arnardóttur í þáttunum Lifum lengur sem hefja göngu sína í Sjónvarpi Símans í kvöld. segir brýnt bæði fyrir fullorðna og börn að vera ekki í símanum á kvöldin fyrir háttinn því snjallsímar og tæki gefi frá sér bláa birtu sem tempri hormónið melatónín sem hjálpar okkur að sofa á nóttunni.
Langvarandi svefnleysi geti orsakað Alzheimers, hjartaáföll og heilablóðföll svo eitthvað sé nefnt. „Allt tengist þetta of litlum svefni. Að drekka bara kaffi á morgnanna, sleppa snjalltækjum á kvöldin og fara út yfir daginn. Þetta eru allt hlutir sem eru fríir, ekkert af þessu kostar pening,“ segir Rangan.
Rangan Chatterjee er breskur heimilislæknir starfandi í Manchester sem skrifaði bókina Four Pillars of Health. Hann leggur mikið uppúr því að við gætum að fjórum lykilstoðunum í lífi okkar til að sporna gegn alvarlegum lífsstílssjúkdómum. Þær eru næring, hreyfing, svefn og andleg heilsa.
Lifum lengur, er nafn átta heimildarsjónvarpsþátta í umsjón Helgu Arnardóttur sjónvarpskonu sem verða frumsýndir hjá Sjónvarpi Símans Premium í kvöld. Öll þáttaröðin kemur inn á sama tíma og fyrsti þáttur verður sýndur í opinni dagskrá í kvöld klukkan hálf níu.