Myndir sem birtust af leikaranum Vin Diesel í síðustu viku vöktu heimsathygli. Þær sýndu leikarann spóka sig á svölum í Miami en það var bumban sem stal senunni. Talað var um að Diesel væri kominn með pabbakropp, eða dadbod, líkt og kollegar hans, þeir Seth Rogen og Leonardo DiCaprio.
Diesel virðist hafa verið fullur af lofti á myndunum í Miami þar sem hann birti myndina hér fyrir neðan á Instagram í gær. Hún sýnir að ef lýsingin er hagstæð er karlinn enn þá með að minnsta kosti vott af þvottabretti undir bolnum.
Diesel virðist hafa húmor fyrir þessu öllu saman en hann vinnur nú að því að kynna kvikmyndina Last Witch Hunter sem hann leikur í ásamt Ólafi Darra. Ólafur Darri leikur norn og berst við Diesel í myndinni, sem leikur nornaveiðarann. Ásamt þeim fara Michael Caine, Elijah Wood og Rose Leslie með hlutverk í myndinni.
Sjá einnig: Nýjasta æðið upphefur mjúka karlmenn: Pabbakroppurinn slær í gegn
Breck Eisner leikstýrir myndinni sem fjallar um síðasta nornaveiðarann og baráttu hans við nornir í New York nútímans.