Manst þú ekki eftir hasarmyndinni Tveir á toppnum? Unglingamyndinni Trufluð tilvera eða Fjandakorninu? Hvað með Bekkjarfélagið? En gætir þú giskað á réttu bíómyndina út frá slagorðum (e. tagline) hennar?
Í nýjum þætti Poppkasts er farið yfir víðan sarp af stórum og misfrægum orðum með eldhressum og frussufyndnum árangri. Vissulega eru það stór orð.
Bíóhlaðvarpið Poppkast hóf göngu sína í vetur, en þar ræða þau Nanna Guðlaugardóttir og Tómas Valgeirsson alls kyns kvikmyndatengd málefni út og inn. Á meðal umfjöllunarefnis má nefna ítarlegar greiningar á kvikmyndunum The Matrix Resurrections, Avatar: The Way of Water, Babylon, Justice League, Everything Everywhere All at Once og sjónvarpsþættina Black Mirror.
„Nú skal tala í tungum, slöggum og slæmum þýðingum og slást um slagorðin. Nanna leggur þraut fyrir Tómas þar sem hún Google-þýðir ýmis misþekkt slagorð (/slagyrði?) úr kvikmyndum. Þá er dýpra kannaður sarpur þýðinga og titla sem hafa brennimerkt sig í okkar séríslensku kúltúrssögu,“ segir í lýsingu þáttarins að neðan
Þættirnir eru aðgengilegir á helstu hlaðvarpsveitum, á meðal þeirra eru Spotify, Apple Podcasts, Google Podcasts, Stitcher ofl.
Sjá einnig: Súrt og svarað – Einn grillaður spurningaleikur