Hráefni fyrir 4:
- 4 msk ólívuolía
- 1 1/2 dl ricotta ostur
- 1 hvítlauksgeiri, rifinn niður
- 1-2 msk ferskt timjan
- 1 tsk rifinn sítrónubörkur
- 1 tsk söxuð fersk steinselja
- 1 dl saxað ferskt spínat
- 4 egg
- sjávarsalt
- 1/4 tsk svartur pipar
- 1/8 tsk chilliflögur
Aðferð:
1. Hitið ofninn í 170 gráður.
2. Smyrjið tvö lítil eldföst form að innan með smjöri eða olíu.
3. Hrærið saman í skál 2 msk ólívuolíu, ricotta, hvítlauk, timjan, sítrónuberki, steinselju og spínati. Skiptið blöndunni jafnt í bæði formin. Næst eru tvö egg brotin varlega yfir hvort form, samtals 4 egg.
4. Dreifið smá ólívuolíu yfir ásamt salti, pipar og chilliflögum.
5. Bakið í ofninum í 12-15 mín eða þar til eggin eru tilbúin, eða þar til hvítan er orðin stíf en rauðan ennþá mjúk.
6. Berið fram strax með góðu ristuðu brauði.