Hráefni:
- 4-5 tómatar skornir í sneiðar
- 85 ml extra virgin ólívuolía
- 2 msk balsamic edik
- 1 msk hunang eða hlynsýróp
- 2 msk smátt saxaður rauðlaukur
- 1 hvítlauksgeiri rifinn niður
- 1 msk söxuð fersk steinselja (plús smá auka til skrauts)
- 1 msk söxuð fersk basilika (plús smá auka til skrauts)
- 1 mozzarella kúla, skorin í bita
- Salt og pipar eftir smekk
Aðferð:
1. Raðið tómatsneiðunum á fallegan disk eða fat.
2. Takið krukku og blandið saman olíu, balsamic, hunangi, rauðlauk, hvítlauk, steinselju, basiliku, salti og pipar, setjið lokið á krukkuna og hristið vel. Það má líka setja þetta allt í skál og hræra vel saman. Hellið blöndunni næst yfir tómatana.
3. Setjið plastfilmu yfir diskinn og leyfið þessu að marinerast í 2 – 3 tíma, við stofuhita eða inni í kæli. Rétt áður en þetta er borið fram er mozzarella bitunum dreift yfir þetta ásamt steinselju og basilliku. Verði ykkur að góðu!