Hamborgarafabrikkan

Fulltrúar SKE kíktu við á Fabrikkunni í Kringlunni, gerðu vel við sig og pöntuðu sér bæði forrétt og aðalrétt. Í forrétt urðu cheddarostbelgir með jalapenjó pipar fyrir valinu, bornir fram með salsasósu og Bó sósu. Ungfrú Reykjavík varð síðan fyrir valinu þegar kom að aðalrétti: Grilluð kjúklingabringa í Fabrikku-speltbrauði, pensluðu með mesquite-sósu. Að auki er hún prýdd sólþurrkuðu tómatmauki, osti, káli, tómötum, rauðlauk og mangó-jógúrtsósu. Góð þjónusta, frábær kjúklingaborgari og heitur forréttur. Ekki skemmir heldur fyrir að Fabrikkan er sannkallað sósu-himnaríki, því hægt er að velja um nánast hvaða sósu sem er.