Hráefni:
1 box sveppir, sneiddir niður
3 msk ólívuolía
3 hvítlauksgeirar, rifnir niður
2 msk rifinn ferskur parmesan
2 tsk fersk eða þurrkuð steinselja
¼ tsk salt og pipar
Aðferð:
1. Hitið ofninn í 190 gráður og leggið bökunarpappír á ofnplötu.
2. Setjið sveppina í stóra skál ásamt ólívuolíu, hvítlauk, salti, pipar og steinselju. Blandið þessu vel saman.
3. Dreifið úr sveppunum á ofnplötuna og bakið í 10 mín. Takið þetta næst úr ofninum og dreifið parmesanostinum yfir. Setjið þetta aftur inn í ofn í 2-3 mín þar til osturinn hefur bráðnað vel á sveppunum. Berið fram strax.