Hráefni:
- 4 kjúklingabringur
- salt og pipar eftir smekk
- 2 msk ólívuolía
- 3-4 hvítlauksgeirar rifnir niður
- 2 1/2 dl rjómi
- 1 msk ítalskt krydd eða oreganó
- 1 1/2 dl rifinn parmesan
- 2 dl spínat (má sleppa)
- 1/2 teningur kjúklingakraftur
Aðferð:
1. Kryddið kjúklinginn með salti og pipar. Hitið olíu á pönnu og steikið kjúklinginn í um 5 mín á hvorri hlið, eða þar til hann er eldaður í gegn og hefur tekið á sig fallega gylltan lit.
2. Færið kjúklinginn af pönnunni og bætið hvítlauk á pönnuna, hrærið í honum í um 30 sek. Setjið þá rjóma saman við ásamt parmesan, kjúklingakrafti og ítölsku kryddi. Hrærið vel saman. Næst fer spínat saman við sósuna og þessu leyft að malla í um 2-3 mín.
3. Færið kjúklinginn á pönnuna og leyfið honum að hitna í sósunni í um 2 mín. Berið fram með pasta eða hrísgrjónum.