Hráefni:
150 gr beikon
200 gr kjúklingabringur
2 hvítlauksgeirar
1/2 laukur
2 dl rjómi
1 dl parmesan
1 msk smjör
200 gr pasta að eigin vali
2 dl af vatninu sem pastað er soðið í, er tekið frá og notað í sósuna
salt og pipar
steinselja til skrauts
Aðferð:
1. Sjóðið pasta eftir leiðbeiningum á pakkningu og þegar pastað er klárt þá takið þið til hliðar 2 dl af vatninu og geymið fyrir sósuna.
2. Skerið beikonið í litla bita og steikið þar til það verður stökkt. Takið til hliðar og þerrið með pappír. Kryddið kjúklingabringurnar og steikið upp úr beikonfitunni, c.a. 2 mín á hvorri hlið. Takið þær síðan til hliðar.
3. Þrífið pönnuna og bræðið smjör á henni. Steikið lauk og hvítlauk í 3-4 mín eða þar til laukurinn fer að mýkjast. Bætið rjóma á pönnuna, soðvatninu af pastanu, og parmesanosti. Hrærið vel og látið malla í 2-3 mín. Kryddið til með salti og pipar.
4. Bætið soðna pastanu á pönnuna og leyfið þessu að malla rólega í 1-2 mín. Skerið kjúklingin í hæfilega munnbita og setjið út á pönnuna ásamt beikoninu. Berið fram með ferskum parmesan og steinselju.