Þetta salat er sannkölluð sprengja fyrir bragðlaukana. Þessi dressing er svo ótrúlega fersk en um leið smá spicy sem gerir þetta einfalda salat svo hrikalega gott.
Hráefni (fyrir c.a.tvo):
20 risarækjur
1 poki klettasalat
1/2 agúrka
1/2 rauðlaukur
1 avocado
ristaðar pecan hnetur
3 msk ferskt saxað kóríander
2 hvítlauksgeirar rifnir
2 tsk chilli duft
1/4 tsk chilli flögur
1/2 tsk cumin
1/2 tsk salt
3 msk ólívuolía
Rækjurnar settar í skál með olíu, kóríander, hvítlauk og kryddum. Þetta er látið marínerast í c.a. klst. Á meðan er gott að laga dressinguna sem fer yfir salatið.
Dressing:
1/2 avocado
1 dl saxað kóríander
safi úr 1 lime
1/2 dl ólívuolía
1 tsk chilli duft
1/2 tsk salt
Allt maukað saman í matvinnsluvél eða með töfrasprota.
Rækjurnar eru teknar úr maríneringu og steiktar á pönnu. Salatinu raðað á 2 diska ásamt agúrku, rauðlauk, avocado og hnetum. Rækjunum raðað ofan á og þetta er síðan toppað með dressingunni.