Hráefni fyrir kökurnar:
- 130 gr hveiti
- 40 gr kakó
- 1/2 tsk lyftiduft
- 1/2 tsk matarsódi
- 1/4 tsk sjávarsalt
- 113 gr ósaltað smjör, brætt
- 100 gr sykur
- 100 gr púðursykur
- 2 egg , við stofuhita
- 2 tsk vanilludropar
- 180 ml butter milk ( eða mjólk með 1 tsk af sítrónusafa.
Hráefni fyrir smjörkremið:
- 200 gr ósaltað smjör, við stofuhita
- 50 gr púðursykur
- 125 ml saltkaramellu sósa (uppskrift hér fyrir neðan)
- 250 gr flórsykur
- 1 tsk vanilludropar
- 2 msk rjómi
- 1/2 tsk salt
Saltkaramellu sósa:
Takið 250 gr af uppáhalds karamellunum ykkar (einhverjar ljósar og smá mjúkar) og setjið í pott ásamt 50 ml af rjóma og 1 tsk af sjávarsalti. Hitið þetta á lágum hita þar til karamellan hefur bráðnað og komin er fínasta karamellusósa.Takið þá til hliðar og kælið.
Aðferð fyrir kökurnar:
1. Hitið ofninn í 180 gráður og raðið bollaköku formum á ofnplötu.
2. Setjið hveiti, kakó, lyftiduft, matarsóda og salt í stóra skál og blandið vel saman.
3. Setjið brætt smjörið, sykur og púðursykur í hrærivélaskál og þeytið vel saman. Bætið eggjunum, einu í einu, saman við og þeytið vel á milli. Setjið vanilludropana saman við og blandið vel. Stillið á lægsta hraða og bætið hveitblöndunni nú í pörtum saman við ásamt butter milk. Passið að hræra deigið ekki of mikið því þá getur það orðið seigt og leiðinlegt.
4. Setjið deigið í bollaköku formin, og bakið í 18-20 mín. Kælið kökurnar áður en kremið fer á þær.
Aðferð fyrir kremið:
1. Þeytið saman smjörið og sykurinn þar til blandan verður létt og “fluffy”(4-5 mín). Bætið 125 ml af saltkaramellu sósunni saman við og þeytið vel saman. Stillið á lægstu stillingu og bætið flórsykrinum saman við, 1 msk í einu, þar til allt hefur blandast vel saman. Blandið loks vanilludropum, rjóma og salti og þeytið vel saman.
Kökurnar settar saman:
1. Gerið litlar holur ofan á kökurnar og setjið smá saltkaramellusósu ofan í. Sprautið kreminu fallega ofan á og skreytið með saltkaramellusósunni. Njótið!