Thai matstofan

Thai matstofan í Skeifunni er þekktur staður hjá unnendum taílenskrar matargerðar og býður hún upp á vinsæl hádegis- og kvöldtilboð. Tilboðin hljóða upp á val á milli nokkurra rétta í borði en það eru steiktar núðlur með grænmeti, djúpsteiktar rækjur, djúpsteiktur fiskur í súrsætri sósu og svínakjöt í panangsósu. Panangsósan er gerð úr rauðu karrýi og er öllum öðrum ólík. Hægt er að næla sér í ljúffengan mat fyrir alla fjölskylduna (nú eða vinnuna) á frábæru verði og mælum við hjá SKE með að fólk geri sér leið í bláu húsin og smakki á alvöru taílenskum mat.