Ofurhetjumyndir eru búnar að eiga Hollywood síðustu ár. En nú er eins og leiknar endurgerðar teiknimyndir séu að taka við. Hér eru nokkrar Disney myndir sem er verið að fara endurgera.
1. Aladdin
Guy Ritchie sem leikstýrði Sherlock Holmes myndunum er líklegast að fara endurgera Aladdin. Það verður spennandi að sjá hvernig þessi klassík á eftir að koma út.
2. Lion King
Lion King er mögulega stærsta teiknimynd sem hefur verið gerð. Allir þekkja söguna um Simba og nú er verið að fara endurgera þessa mynd eins og var gert við Jungle Book. Við bara vonum það besta.
3. Mulan
Handritshöfundar Jurassic World og Avatar eru núna að vinna í því að gera leikna Mulan mynd. Það verður gaman að sjá þessa frábæru sögu í þessum nýja búning.
4. Litla Hafmeyjan
Flestir hafa séð teiknimyndina um litlu hafmeyjuna. Verið er að vinna í handriti fyrir hafmeyjuna og það verður örugglega slegist um þetta hlutverk.
5. Grimmhildur
Örugglega einhverjir muna eftir vondu konunni í 101 dalmatíuhundum. Nú er verið að fara gera leikna mynd um hana og það er hún Emma Stone sem á að fara með þetta skemmtilega hlutverk.
6. Dúmbó
Tim Burton hefur ákveðið að endurgera söguna um fílinn sem gat flogið á eyrunum. Leikarar í myndinni verða Eva Green, Danny DeVito og Collin Farrell.
7. Pétur Pan
Þó það sé búið að gera nokkrar útgáfur um strákinn sem vildi ekki fullorðnast þá er samt að koma ný svoleiðis mynd. Fólk fær ekki nóg af Pétri og vinum hans.
8. Skellibjalla
Eins og ég sagði þá fær fólk ekki nóg af Pétri og vinum hans. Það er einnig verið að gera mynd um Skellibjöllu sem er litli álfurinn sem flýgur alltaf með Pétri Pan. Reese Witherspoon mun fara með þetta hlutverk.
9. Gosi
Myndin sem framleiðendur í Hollywood eru að slást um er Gosi. Ekki er staðfest hver mun gera myndina um litla spítustrákinn en alla vegana þrír framleiðendur eru að berjast um hana.
10. Bangsímon
Myndin um Bangsímon mun koma út á þessu ári og leikkona Margot Robbie fer með hlutverk í myndinni. Það verður spennandi að sjá hvernig þessi heppnast.