Það fá allir einhverja hæfileika í vöggugjöf en sumir virðast hafa fengið næstum yfirnáttúrulega hæfileika í sínu fagi. Joyce Spakman starfar sem fata- og búningahönnuður en hefur menntun í förðun.
Hún var 14 ára þegar hún fór að prófa sig áfram í búningagerð, kenndi sjálfri sér fagið og vakti strax athygli. Efnin sem hún notar eru öll létt og þægileg svo það sé hægt að klæðast búningunum án þess að líða illa. Hana dreymir um að vinna með Lady Gaga sem mun örugglega hafa samband við Joyce ef hún sér þessar myndir.
Joyce deildi nokkrum myndum af stórkostlegum búningum sem hún hefur skapað í gegnum tíðina en sumir voru búnir til að gamni á meðan hún var læst inni vegna Covid.
