Það er allt leyfilegt í ástum og stríði sagði einhver? Samt eru sífellt fleiri óánægðir með hegðun Brad Pitt þessa dagana en hann á í ástarsambandi við gifta konu sem á 7 ára dreng (Emil) með eiginmanni sínum (Roland Mary).
Hjónin Roland og Nicole eru sögð vera ennþá saman en þau séu í opnu hjónabandi og því sé í lagi að hún sé með Pitt á meðan eiginmaðurinn bíður heima. Þetta er víst eitthvað sem vinir hjónanna segja að geti vel staðist enda þau bæði frjálslynd.
Þetta er því raunverulegur ástarþríhyrningur eins og í Twilight eða rómantískri gamanmynd. Það vill þó oft vera þannig í ástarþríhyrningum að einhver særist. Oftast sá sem er mest ástfanginn og með minnst völd í sambandinu (líklega Roland).
Samkvæmt heimildum okkar kynntust Nicole Poturalski og Brad Pitt í gegnum Roland á frægum veitingastað sem hjónin reka í Berlín (Borchadt). Hún fékk númerið hjá Pitt til að stækka tengslanet sitt í Los Angeles þar sem hún starfar stundum sem módel.
Þau fóru svo að hittast á meðan Roland hefur víst haldið sig mikið heima eða séð um fjölskyldufyrirtækið. Hann fór þó út úr húsi og leit satt að segja út fyrir að vera sorgmæddur að mati vina og kunningja. Pitt og Roland hafa verið ágætir vinir síðan árið 2009 – 10 árum áður en Pitt hóf formlega samband við eiginkonu Roland.
Nú á aldrei að dæma aðra nema eiga hlut að máli en margir vorkenna Roland að þurfa að horfa upp á eiginkonu sína í heimspressunni undir fyrirsögninni: „Pitt og nýja kærastan ástfangin i París“.
Kannski er hann rosalega sáttur við allt saman – hver veit?
Svo er annað mál með Angelinu Jolie en vinir hennar hafa sagt miðaldarkrísu Brad Pitt fyrir neðan allar hellur. Hann stendur í skilnaði við Jolie og er pabbi Maddox, 19 ára, Pax, 16 ára, Zahara, 15 ára, Shiloh, 14 ára , and 12 ára tvíburanna Vivienne and Knox.
Nicole þykir líkjast Jolie í útliti en hún er 8 árum eldri en elsta barn Pitt og Jolie. Ástin spyr ekki um aldur en allt þetta brölt á Pitt er farið að verða of flókið fyrir venjulegt fólk að skilja og er ekki vinsælt hjá aðdáendum Jolie.
(Mynd af Jolie, Pitt og börnunum tekin 2014)
