Aideen Hynes hafði nýlagst upp í rúmið sitt og var við það að sofna þegar hana klæjaði á vinstri fætinum. Hún klóraði sér en fékk svo skyndilega stingandi sársauka og uppgötvaði að svokölluð „false widow“ könguló sem var uppí hjá henni hafði bitið hana.
Daginn eftir var fóturinn á henni orðinn tvöfaldur og sársaukinn gríðarlegur svo Aideen leitaði á spítala.
Í fyrstu héldu læknar að eitrið væri komið of langt og að þeir myndu þurfa að taka fótinn.
Það var komin mikil sýking í hann og Aideen segir sjálf: „Ég hefði leyft þeim að taka hann, ég var komin að því að biðja um það sjálf, verkurinn var svo slæmur.“
Með kröftugri meðferð sýklalyfja tókst að lokum að ná sýkingunni niður.
7 tegundir „False Widow“ köngulóa lifa á Bretlandi, en sú sem veldur verstu bitunum er sú sem beit Aideen og kallast hún „Noble False Widow“. Tegundinni er oft ruglað saman við „Black Widow“ köngulóna, en sú er baneitruð.
Talið er að stofn „False Widow“ köngulónna í Bretlandi fari stækkandi.