Natalie Burtina byrjaði að þyngjast eftir að hún átti son sinn fyrir nokkrum árum síðan. Hún var þyngst orðin 150 kíló og að eigin sögn með óbeit á sjálfri sér.
Henni gekk illa að koma sér af stað í einhverskonar lífstílsbreytingu þar sem hún var alein með einhverfan son sinn, þannig að hún ákvað að byrja á litlum breytingum.
Natalie byrjaði á því að skipta út gosi fyrir vatn og fara í stuttar gönguferðir rétt hjá heimili sínu.
2 ár eru síðan Natalie hóf þessa vegferð sína en hún er tæplega 60 kílóum léttari í dag og reynir nú að fara í ræktina 3-4 sinnum í viku þar sem sonur hennar er orðinn eldri.
Hún hefur haldið sig við gosbindindið frá upphafi og segir að um leið að hún hafi byrjað að sjá árangur hafi löngun hennar í hollan mat aukist til muna, þess vegna sé matarræði hennar í dag allt annað en áður.
