Nú þegar vindar blása stíft þá vill Hamborgarafabrikkan koma þessum tilmælum til leiðar:
Veðurviðvörun frá Hamborgarafabrikkunni!
Hamborgarafabrikkan vill beina þeim tilmælum til þeirra sem hafa hug á að sækja Hamborgarafabrikkuna á Höfðatorgi í dag, miðvikudaginn 8. febrúar að vara sig á veðrinu og nýta sér bílastæðakjallarann undir Turninum. Vindhraðinn við Höfðatorg getur orðið mikill, sérstaklega við enda Turnsins, og hafa slys átt sér stað þegar fólk missir fótanna í vindhviðum. Einnig er mikilvægt að hafa í huga að það er þjóðráð að skríða í miklum vindi, en alls ekki að reyna hlaupa undan honum. Það getur hreinlega lyft fólki á flug. Hamborgarafabrikkan starfrækir líka veitingastað í Kringlunni og það er engin ástæða að vara fólk við veðri á þeim slóðum.