Það er ekki einfalt líf að alast upp sem barnastjarna. Þegar fólk er undir 18 ára aldri er algengt að foreldrarnir séu líka umboðsmenn og sjái einnig um peningamálin.
Það virðist gerast allt of oft að peningagræðgin taki yfir fólk og þessar 5 stjörnur eiga það allar sameiginlegt að hafa þurft að leita til dómstóla til að fá það sem foreldrar þeirra hafa stolið.
Ariel Winter
Þó fjölskyldulífið sé gott í þáttunum „Modern Family“ er það ekki þannig í hennar eigin lífi.
Ariel og eldri systir hennar segja að móðir þeirra sé ofbeldisfull og Ariel var gerð sjálfsráða af dómstólum í Bandaríkjunum í október 2016 þegar hún var aðeins 16 ára gömul.
Móðir hennar fór í mál til að vinna forræðið til baka og það er meining margra að hún hafi aðeins verið á eftir peningum dóttur sinnar.
Macaulay Culkin
Hann vildi fá yfirráð yfir peningunum sem hann fékk fyrir Home Alone myndirnar áður en hann náði 18 ára aldri.
Foreldrar hans voru búin að skilja og það lék grunur á því að þau væru að eyða peningunum.
Hann fór í mál og að lokum var endurskoðandi hans látinn gæta peninganna þar til Culkin varð 18 ára – sem hann eyddi öllum í kjölfarið í eiturlyf.
Leighton Meester
Leighton varð einstaklega fræg og rík þegar hún lék í þáttunum Gossip Girl.
Hún vann mál gegn móður sinni árið 2017 en Leighton hafði látið hana fá peninga mánaðarlega sem áttu að fara í lyfjakostnað fyrir veikan bróður hennar.
Hún komst svo að því að í staðinn fyrir að kaupa lyfin var mamma hennar að eyða peningnum í lýtaaðgerðir fyrir sjálfa sig.
Gary Coleman
Gary Coleman varð yngsta barnastjarna Bandaríkjanna þegar hann byrjaði að leika Arnold Jackson í Diff’rent Strokes þáttunum. Hann var aðeins fjögurra ára gamall og strax orðinn heimsfrægur.
Þegar hann náði 18 ára aldri var hann hinsvegar skítblankur því móðir hans og umboðsmaður neituðu að láta hann hafa peningana sem hann átti.
Hann sigraði þau á endanum fyrir dómstólum og fékk rúmar 170 milljónir.
Chris Warren
Hann gerði það gott í High School Musical en þurfti svo að standa í málaferlum við foreldra sína sem höfðu stolið þúsundum Bandaríkjadala frá honum.
Hann sigraði og þau voru látin endurgreiða honum.