Það að fara í „Blackout“, þ.e.a.s. upplifa minnisleysi vegna áfengisdrykkju, er mikið í umræðunni þessa dagana – svo Forvarnir ehf sendu frá sér þessa yfirlýsingu um málið:
“Blackout” eða minnisleysi vegna áfengisdrykkju er vegna alvarlegrar starfssemistruflunar í minnisstöðvum heilans. Ef slíkt ástand hefur varað í einn eða fleiri sólarhringa er það alvarlegt merki um tímabundna heilabilun. Ástæður eru yfirleitt mjög mikil áfengisneysla eða langvinnt áfengisvandamál. Einstaklingur með slík einkenni er ekki vinnufær. Ef hann gegndi ábyrgðarstarfi, sem t.d. flugstjóri, væri hann sendur í langt veikindaleyfi og kæmi ekki til vinnu fyrr en eftir ítarlegar rannsóknir og áfengismeðferð.
Dr. Ólafur Þór Ævarsson, geðlæknir hjá Forvarnir.