Það eru ekki margir sem myndu rugla saman Brad Pitt og söngkonunni Cher en þau voru samt að berjast um sama hlutverk í myndinni Interview with the Vampire sem kom út árið 1994. Myndin var byggð á samnefndri sögu Anne Rice sem kom út 1976.
Samkvæmt áræðanlegum heimildum var hlutverkið skrifað cherstaklega fyrir söngkonuna Cher. Ætlunin var að persónan Louis væri trans-vampíra og var Cher sú eina sem gæti skilað hlutverkinu að mati höfunda.
Röð atvika og skipanir yfirmanna frá stúdíóinu urðu til þess að Brad Pitt var ráðinn í staðinn fyrir Cher. Þetta er gott dæmi um þann slæma sið Hollywood að troða skærustu stjörnunum í hlutverk sem henta þeim alls ekki á neinn hátt.
Með breytingum á handriti og leikstjórn tókst að koma Brad Pitt í hlutverk Louis og Cher þurfti að taka pokann sinn. Myndin sló í gegn svo kannski hafði stúdíóið rétt fyrir sér en þó hefði verið gaman að sjá upprunalegu hugmyndina á stóra skjánum.