Hinn 44 ára gamli Michel Faro do Prado frá Sao Paulo í Brasilíu hefur öðlast viðurnefnið „mannlegi Satan“ (e. Human Satan) eftir allar þær líkamsbreytingar sem hann er búinn að ganga í gegnum.
Nú hefur hann fullkomnað lúkkið sem hann var að leitast eftir með því að fá sér hundatennur, eins og þið sjáið á myndinni hér fyrir neðan.
Michel er með fjöldann allan af húðflúrum og götum um allan líkama og segir hann að markmiðið með þeim hafi verið að líta út eins ógnvekjandi og hann mögulega gat.
Hann segist aftur á móti ekki vera að reyna líta út eins og djöfullinn og finnst viðurnefnið hans því ekki alveg eiga við – enda sé hann Guðs maður og kýs að lifa góðu lífi.
Síðastliðin 25 ár þá hefur Michel verið tattúlistamaður og hefur hann lagt áherslu á svört tattú (e. blackwork) og brútal tattú – þar sem að það þarf að setja blek á stóran hluta líkamans.
Hann segist vera með háan sársaukaþröskuld og hefur ekkert á móti því að upplifa smá sársauka til að öðlast það útlit sem hann er að leitast eftir.
Samkvæmt Michel þá er sársaukinn samt verstur í kjölfarið á líkamsbreytingunum en ekki á meðan á aðgerðunum stendur – enda væri ekki hægt að gera margar af þessum breytingum án svæfingalyfja.
Eiginkona hans og sonur segjast elska líkamsbreytingarnar hans og aðrir sem Michel telur vera fjölskyldu sína segjast líka elska umbreytinguna.
En hann segir að það skipti hann ekki máli hvort að fólki finnist þetta flott eða ekki – fólk þarf bara að sýna því virðingu.
Það er varla hægt að þekkja Michel á gömlum myndum af honum, en hann segist samt vera sami maðurinn – nú lítur hann bara út eins og hann hefur alltaf viljað líta út.