Það er óhætt að segja að Ísland hafi farið á hliðina í síðustu viku þegar Costco opnaði. Fólk er að missa sig yfir því hvað allt inn í þessari búð er ódýrt og það er meira að segja komin Facebook-síða sem kallast „Keypt í Costco Ísl“.
Ásta fór í Costco og sá það sem hún hélt að væri leikfangamyndavél. Hún keypti þessa myndavél til að gefa barnabarni sínu í afmælisgjöf en þegar hún fór að skoða myndavélina komst hún að því að þetta var ekkert leikfang. Hún skrifaði þetta á „Keypt í Costco“ síðuna.
„Dóttir mín stakk upp á að ég setti þetta hingað inn. Við keyptum þessa „myndavél“ í Costco í dag og gáfum 5 ára dótturdóttur okkar í afmælisgjöf. Okkur fannst þetta nokkuð krúttleg græja, töldum að þetta væri með einhverjum skemmtilegum fídusum, hljóð í einhverjum tökkum, bíb og svona, skjár aftan á með einhverjum myndum, og við semsagt héldum að þetta væri svona dóta „myndavél“, þ.e. gerfi. En ókeiii…þegar hún opnaði pakkann þá er þetta þvílík snilldargræja, alvöru digital myndavél, minni f. 200 myndir, usb snúra, 70 photo effects, leikir, selfie myndavél, flass, hljóðupptaka með voice changer og ég veit ekki hvað og hvað. Geggjuð græja. Liggur við að mig langi í svona
Kostaði bara 5.999. Hvað ætli hún hefði kostað í hefðbundinni íslenskri verslun, eins og t.d. Hagkaup ? UPPFÆRT : ég var leiðrétt með verðið, hún kostar bara 5.499 ! Líka til blá“. – Ásta
