Meghan Gilbert hafði ástundað ofát sem varð til þess að hún var orðin 90 kíló. Hún var greind með þunglyndi og kvíða – og á sínum versta punkti þá fór hún ekki einu sinni út úr húsi – heldur át bara mat.
Fyrir rúmum fjórum árum fékk hún síðan nóg og fór að hreyfa sig. Nú er hún fitness módel með 66 þúsund fylgjendur á Instagram.
Hún skrifaði stutta hugleiðingu á Instagram-síðu sína:
Stúlkan til vinstri var 90 kíló af þunglyndi, kvíða og skömm. Ég var í dópi og fór í partý öll kvöld. Ég vaknaði á morgnana og vildi bara gleyma að ég hefði vaknað. Líf mitt var bara sorglegt. Ég hataði alla parta líkama míns og veru minnar – þar til ég tók einni pillu of mikið og saup einum drykk of mikið. Þá vaknaði ég upp eftir að hafa sofið í 36 klukkustundir. Það gæti hafa verið lengur … Þegar ég vaknaði upp eftir ofneysluna, sá ég húðflúrið mitt „Gakktu eftir trú en ekki sjón“ og þá vissi ég að ég væri ekki að lifa lífinu á réttum forsendum.
Þar byrjaði ég. Að elska sjálfa mig. Elska ræktina. Elska átökin. Elska sársauka og harðsperrur. Ég elskaði fólkið í kringum mig. Þegar maður byrjar að lyfta lóðum fyrst og einhver ýtir þér til að vera harðari – þá er fysta svarið að segja nei. Ég get ekki svona mikið. En þegar þú reynir þá nærðu einni endurtekningu í viðbót. Maður nær í styrk í gegnum átök. Lífið er stundum erfitt en það skiptir öllu að hafa rétt hugarfar.
