Það hefur verið langlíf mýta að einstaklingar brenni jafnvel mörg hundruð kaloríum við það eitt að stunda kynlíf. Lengi hefur verið talað um að 200 kaloríur lágmark, fjúki nánast við það eitt að rífa hvort annað úr fötunum.
Samkvæmt nýlegri rannsókn sem birt var í New England Journal of Medicine eru tölurnar talsvert dapurlegri en áður var haldið. Þar kemur fram að sex mínútna kynlíf brennir ekki meira en 21 kaloríu. Sem er sirka bát ein sneið af osti.
Góðu fréttirnar eru þær, að ef kynmökunum lýkur með fullnægingu, þá erum við að tala um alveg 60-100 kalóríur.
Meðal kynmök standa yfir í 6 mínútur, þannig að til þess að brenna yfir 200 kaloríum í kynlífi þarf það að standa yfir í góðan klukkutíma eða svo.