Það er sjaldgæft að íbúðir í Burj Khalifa turninum séu auglýstar opinberlega til sölu. Þessi hæsta bygging heims er 163 hæðir og um 830 metrar á hæð. Fasteignasalinn reynir sitt besta til að láta þetta hljóma eins og venjulega íbúð – sem gæti hentað hefðbundinni barnafjölskyldu.
Þessi litla íbúð kostar 1 milljarð íslenskra króna fyrir utan gjöld til húsfélagsins. Útsýnið er stórkostlegt en að öðru leyti þá er ólíklegt að margar fjölskyldur myndu vilja búa þarna.
Reyndar er það svo að flestar íbúðirnar í Burj Khalifa blokkinni eru tómar. Þær voru seldar fjárfestum sem keyptu þær aðeins til að geta selt á hærra verði síðar.