Nú á dögunum gleymdi eigandi bifreiðar fyrir utan Laugar, að setja bílinn í gír eða handbremsu. Þetta olli því að hann rann út á mitt bílaplan, lokaði allri umferð og festi bíla inni.
Eftir að eigandinn hafði verið margkallaður upp í kallkerfi Lauga, án árangurs, þá stökk enginn annar en útvarpsmaðurinn og hreystimennið, Ívar Guðmunds út og bjargaði málunum.
Ívar tók sig til og ýtti bílnum einfaldlega aftur í stæðið. Til að tryggja að hann myndi ekki renna af stað aftur, setti hann stóra Hámark fernu fyrir sitt hvort dekkið. Og sannaði þar með endanlega gildi Hámarksins. Ekki nóg með að það slái á hungur, byggi upp vöðva heldur getur það haldið við heilu tonninn af bílhlassi.
