Keanu Reeves er virkilega ánægður að heyra að söguþráður Matrix kvikmyndanna sé tengdur sögu transfólks. Hann hafði ekki hugmynd um þessa tengingu þegar hann lék í myndunum en þetta kom honum skemmtilega á óvart.
Fjórða Matrix myndin er í tökum og kemur út á næsta ári. Fyrri myndirnar þrjár hafa verið vinsælar hjá öllum hópum en oft sérstaklega vinsælar hjá transfólki. Skýringin er einfaldlega sú að höfundar myndanna eru trans og höfðu sína lífsbaráttu í huga við handritaskrifin.
Lana kom út úr skápnum sem trans árið 2010 og Lilly gerði hið sama sex árum síðar. Hér að neðan má sjá Lilly Wachowski fjalla nánar um þetta áhugaverða mál.