Þetta er eitthvað stærsta baráttumál kynjanna og því hefur löngum verið haldið fram að konur séu verri bílstjórar en karlar.
Skoðanakönnun ein greindi frá því að aðeins 28% kvenna trúa því að konur séu betri bílstjórar en karlar – og einungis 13% karla deila þeirri skoðun.
Rannsókn á vegum tryggingafélagsins Privilege leyddi aftur á móti í ljós að konur eru í raun betri ökumenn er karlmenn.
Rannsóknin fylgdist með 50 bílstjórum innan úr bílnum reglulega og á gatnamótum var fylgst með 200 bílum keyra hjá. Konur skoruðu þar að meðaltali 23.6 stig af 30 (79%) á meðan meðaltal karlanna var aðeins 19.8 af 30 (66%).
Einn hluturinn sem fylgst var með var hversu nálægt næsta bíl bílstjórinn ók. Aðeins 4% kvenna óku of nálægt næsta bíl, á meðan 27% karla gerðu það.
Þannig kom í ljós að skoðanir fólks á því hvort kynið er betri bílstjóri eru gjörólíkar raunveruleikanum.
Sorrý strákar!