Manuela Ósk birti mynd af sér á Instagram sem bar titilinn „On a mission“ – en vísaði hún þar til þess að hún væri á leiðinni að tana sig í gang.
Manuela hafði beðið Snap-fylgjendur sína að kommenta mynd af „sprengju“ á Instagram-myndina (sbr. ?) – ef þeir vildu að hún myndi fylgja þeim.
Fjölmargir settu sprengju sem komment við myndina – en mesta sprengjan reyndist komment sem kom frá Ágústu Evu, leikkonu. En kommentið var aðeins eitt orð.
„Borða! :)“
Þessu brást Manuela ekki vel við – og tók hún skjáskot af kommentinu og birti á Snapchat hjá sér ásamt textanum:
„Body shaming er aldrei cool.“
„Virðing og kurteisi er cool.“
„Ágústa Eva tekur að sér að segja ykkur hvernig þið eigið að vera. Hafið samband við hana ef þið eruð eitthvað óviss með your body. Hún veit hvernig allir eiga að vera.“
Í kjölfarið á þessum textaskilaboðum – kom Manuela svo með fleiri hugleiðingar. Hún sagðist hafa hugsað mikið um hvort hún ætti að tala um þetta komment Ágústu – og miðað við umræðuna og viðbrögðin á snappinu, þar sem hún hafði fengið mikinn meðbyr, þá skellti hún í smá ræðu.
Þar sagði hún meðal annars:
„Ég þekki Ágústu Evu ekki neitt – en finnst hún ótrúlega flott týpa. Ég blanda mér ekki í hvað hún borðar eða er ekki að borða – eða hef skoðun á hennar útliti. Ég er bara ekki þar. Þess vegna finnst mér óskiljanlegt að þetta hafi gerst. Gefum okkur að ég væri búin fitna. Hefði hún kommentað “Farðu í megrun.” Leggðu fá þér gaffalinn. Farðu í megrun.“
Manuela útskýrði svo enn betur ástæðuna fyrir því hvers vegna hún tók þetta svo nærri sér:
„Það er alveg hægt að vera of viðkvæmur fyrir því að vera of grannur. Ég get alveg sagt ykkur það í einlægni, þegar ég er undir miklu álagi – og mjög stressuð, mikið að gera í skólanum og margt í gangi, og ég keyri mig út í vinnu og álagi – það sem gerist mjög oft þegar ég er í svona álagi, þá hryn ég í þyngd og sef illa. Þetta þýðir þá að mér líði ekki nógu vel. Þetta þýðir ekki að ég sé með sjúkdóm. Þið sem þekkið að vera á fulli keyrslu alla daga, það er bara erfitt að halda þyngd. Þetta er ekki að ég sé ekki að vilja að borða. Þeir sem þekkja mig vita hvað ég innbyrði mikið súkkulaði á dag. Út af þessu finnst mér þetta svo ónærgætið. Hún hendir þessu út á mig – en veit ekkert hvað er í gangi. Ef hún hefði haft áhyggjur af mér í raun og veru – sem er samt mjög skrýtið – hefði hún frekar sent mér skilaboð í staðinn fyrir þetta komment.“
Manuela útskýrði svo að Ágústa hefði sent henni afsökunarbeiðni á Facebook- og útskýrt að þetta hefði verið vel meint. Hún hefði bara haft áhyggjur af Manuelu. Samskiptin í kjölfarið fór svo ekki betur en svo að Ágústa lokaði á Manuelu á Facebook.
„Ég ber engan kala til Ágústar Evu og ég veit hún er frábær manneskja. Ég mun taka vinabeiðni frá henni fagnandi “ endaði Manuela meðal annars á að segja.
Svona getur nú lífið verið stundum dramatískt á samfélagsmiðlunum!