Það er þekkt vandamál að þegar fólk missir skyndilega stóran hluta líkamsþyngdar sinnar verður eftir mikið af aukahúð sem einungis er hægt að fjarlægja með skurðaðgerð. Slíkar aðgerðir eru dýrar og ekki allir hafa efni á þeim.
Megan Boeh er 34 ára gömul. Hún var 195 kíló þegar hún ákvað að gera eitthvað í sínum málum. Hún breytti lífsstíl sínum algerlega og fór í magaminnkun. Hún missti heil 102 kíló en segir samt að líkami sinn líti nánast eins út í dag og á myndinni hér að neðan.
Hún segist samt vera mjög þunglynd og að hún skammist sín gríðarlega fyrir líkama sinn. Ástæðan er sú að hún er með um það bil 19 kíló af auka húð á maganum, lærunum og bakinu.
Megan segir að sér líði best þegar hún er í gallabuxum og bol, en þá getur hún gyrt auka húðina ofan í buxurnar.
Megan vonast til þess að komast í aðgerð til að láta fjarlægja auka húðina og ákvað þess vegna að taka þátt í sjónvarpsþáttunum „Skin Tight“ sem sýna líf nokkurra einstaklinga sem hafa farið í magaminnkun og áhrifin sem aðgerðirnar höfðu á líf þeirra.