Breska þjóðin er móðguð eftir brotthvarf Harry prins og Meghan Markle úr konungsfjölskyldunni. Ýmsar kenningar hafa verið á lofti en nú hefur Meghan tjáð sig í fyrsta sinn um leyndarmálið á bak við ákvörðunina.
Það er ekki líklegt að þetta „leyndarmál“ verði til að auka vinsældir Meghan í Bretlandi. (Hér er frétt þar sem vitnað er í Meghan Markle.)
Ástæðan fyrir brotthvarfinu er einfaldlega bræðrarígur og framkoma konungsfjölskyldunnar í garð Harry og Meghan. Hún segir í viðtalinu að þau hafi þurft að setja sitt líf á bið þegar eitthvað smáræði var að gerast í lífi stóra bróður William og eiginkonu hans Kate.
Þau voru sem sagt sífellt beðin um að draga ekki athyglina frá aðalparinu sem var William og Kate. Samkvæmt frásögn Markle var konungsfjölskyldan (Elísabet drottning) ekki ánægð með hjónaband hennar og hagaði sér eftir því.
Harry og Meghan voru varamenn sem áttu að sinna skyldum sínum fyrir konungsfjölskylduna aðeins þegar William og Kate voru upptekin. Þetta fór í taugarnar á þeim hjónum enda nóg pláss fyrir tvo prinsa og eiginkonur þeirra í fjölmiðlum.
Þetta var víst orðið það slæmt að Harry og Meghan þurftu að fá leyfi frá þeim sem skipuleggja dagskrá William og Kate – svo það væri örugglega öll athyglin á eldri bróðurnum. Augljóslega er flókið þegar hjón þurfa í raun að biðja um leyfi til að sjást á almannfæri.
Bretar þola ekki Meghan og líklega verður þessu viðtali snúið upp í meiri leiðindi. Það hefur verið bent á að margar konur hefðu tekið því fagnandi að giftast enskum prins. Hún ætti því að vera þakklát og sinna skyldum sínum.
Þetta er mikil einföldun á flóknu lífi þessa fólks en Meghan er sjálfstæð sterk persóna sem þarf ekki titla til að ná langt. Harry sleppur yfirleitt við gagnrýni bresku blaðanna en hann tók líklega rétta ákvörðun um að flytja til Bandaríkjanna ásamt Meghan.