Það getur verið erfitt að ná sér í six-pack með skömmum fyrirvara en með nýja bjór-appinu BeerConverter getur þú unnið þér inn alvöru six-pack eftir einungis einn dag í ræktinni.
BeerConverter appið reiknar út hversu miklum kaloríum þú brennir við ákveðna hreyfingu eða líkamsrækt og útlistar þær kaloríur í bjór. Þannig getur þú unnið þér inn heilan six-pack með því að taka vel á því í ræktinni, fara út að hlaupa eða annað sem brennir kaloríum.
Góðu fréttirnar og frábæru fréttirnar.
Góðu fréttirnar eru þær að þú þarft ekki að vera sérstaklega góður í íþróttinni sem þú tekur þér fyrir hendur til að vinna þér inn allan þennan bjór. Aðalmálið er hversu mikið þú reynir á þig. Frábæru fréttirnar eru þær að þeir sem eru þungir fyrir, brenna mun meira en þeir sem eru léttir og eru því fljótari að vinna sér inn six-pack.
Hvað ertu að puða, hversu lengi og hver er uppáhalds bjórinn þinn?
Beer Converter býður þér að skrá hvaða íþrótt eða hreyfingu þú stundar og svo stillir þú inn hversu lengir þú stundar hana og BeerConverter segir þér hversu miklum kaloríum þú hefur brennt. Eins og gefur að skilja ertu líka fljótari að vinna þér inn bjór sem inniheldur færri kaloríur.
BeerConverter er ókeypis fyrir iOS og android og hægt að sækja það hér: https://www.beerconverter.net/ – og hér: https://www.facebook.com/