Emma Harvey var að lifa draum margra pilta og stúlkna þegar hún bjó í Magaluf, partýhöfuðborg Spánar, í 9 mánuði og starfaði við það eitt að DJAMMA.
Fyrir stúlku sem hafi alltaf fundist gaman að fara út á lífið var ekki amalegt að vera í starfi þar sem hún gerði einmitt það.
Hún vaknaði þegar henni hentaði og ásamt vinkonu sinni gekk hún um ströndina í leit að fólki til þess að djamma með.
En hún þurfti bara að fá þá á klúbbana sem borguðu henni fyrir hvern nýjan gest sem hún kom með.
En eftir níu mánaða djamm var nóg komið. Hún borðaði nær eingöngu skyndibita og drakk 300 áfenga drykki í hverri viku!
23 ára gamla stúlkan frá London var orðin rúmlega 100 kíló og passaði ekki lengur í nein af fötunum sínum þegar hún ákvað að nú væri nóg komið.
Í dag er Emma slétt 60 kíló og er í draumaforminu sínu.
Hún er sjálfskipað fitnessfrík og nældi sér meira að segja í kærasta sem er einkaþjálfari, en þau kynntust þegar þau voru bæði edrú á djamminu.
Emma skipti út ruslfæði fyrir almennilegt kjöt og gaf upp djammið fyrir ræktina. En leyndarmálið segir hún vera að hætta að drekka áfengi.
