Nú eru 19 ár síðan Shakira sló almennilega í gegn sem tónlistarmaður og hefur selt yfir 60 milljón plötur til þessa. Hún er einnig fræg fyrir frumlega dansa sem oft innihalda mjaðmahreyfingar og fleira sem flestir telja kynþokkafullt.
Shakira er einnig ákveðin fyrirmynd í tísku og þá sérstaklega í Suður-Ameríku þar sem hún er hálfgert tískugoð.
Flestar myndir hennar fá mörg „like“ á Instagram en hún setti allt á hliðina með nýjum bikinímyndum. Hún fékk um 5 milljón „like“ á mettíma enda fallegar myndir af henni í bikiní sem hún hannaði sjálf.
Ef athugasemdir við myndirnar eru skoðaðar má sjá að margir trúa því varla að hún sé á fimmtugsaldri en hún virðist í betra formi en flestir – óháð aldri. Hún er reyndar orðin 43 ára og æfir líkamsrækt 6 sinnum í viku til að halda sér við en samt segir í athugasemdum: „Það er ekki séns að hún sé þetta gömul!“
