Simon Cowell hættir við að koma fram í úrslitum Britains Got Talent eftir að hafa bakbrotnað í hjólaslysi. Simon sem er 60 ára var á rafmagnshjóli við hús sitt á Mailbuströnd þegar eitthvað fór úrskeiðis í hjólatúrnum – hann féll af hjólinu og stórslasaðist.
Idol-dómarinn þurfti að gangast undir sex klukkustunda uppskurð þar sem járnstöng var komið fyrir í brotnu bakinu til að reyna að koma í veg fyrir frekari skemmdir. Simon er þekktur vinnualki og ætlaði sér ekki að láta slysið hafa áhrif á störf sín. Það hefur hins vegar verið tekin ákvörðun um að hann þurfi að hvílast.
Við óskum honum góðs bata og vonum að hann snúi aftur á skjáinn sem fyrst.