Stöð 2 er nú orðin hvorki meira né minna en 30 ára gömul. AF þessu tilefni setti Hans Kristján Árnason inn fyrstu dagskrána sem fór í loftið.
Hann ritaði þennan texta við myndina:
STÖÐ 2: Fyrsta ORIGINAL dagskráin frá 9. október 1986.
Í dag eru 30 ár frá því að ég vélritaði þessa dagskrá á IBM kúluritvél (sjá myndir).
Kl. 21:25 var fyrsti íslenski þáttur stöðvarinnar sýndur;
,,Magnús Magnússon (umræður) – Hver í fjandanum valdi þennan eyðistað?“
Tilefnið var leiðtogafundurinn í Reykjavík.
Þættinum stjórnaði BBC-snillingurinn Magnús Magnússon.
Íslenskir þátttakendur voru Steingrímur Hermannsson forsætisráðherra og Ólafur Ragnar Grímsson prófessor við HÍ. Aðrir þar voru erlendir fréttamenn.
