Lögreglan á Suðurlandi sagði frá því í Facebook færslunni hér fyrir neðan að það hefði kviknað í bíl með tveim farþegum rétt hjá Vík í Mýrdal.
Bifreiðin gjöreyðilagðist í brunanum, en sem betur fer þá sluppu báðir farþegarnir ómeiddir.
Það er svakalegt að sjá bílinn!
Lögregla og slökkvilið fengu tilkynningu laust fyrir klukkan 03:00 í nótt um eld í fólksbifreið á þjóðvegi 1 skammt austan við Vík í Mýrdal. Bifreiðin varð fljótt alelda og er hún gjörónýt.
Tveir voru í bifreiðinni er eldurinn kom upp, ökumaður og farþegi og sluppu þeir báðir ómeiddir.
