Hún Sarah Gray er 31 árs læknir sem starfar í Ástralíu. Sarah hefur öðlast viðurnefnið „Heimsins tattúaðasti læknir“ (e. „World’s most tattooed doctor“).
Sarah er lifandi dæmi um það að þú getur ekki dæmt bók eftir kápunni eða persónu eftir Instagram síðunni þeirra – heldur verður þú að kynnast manneskjunni áður en þú dæmir.
Fólk með húðflúr um allan heim þakkar Söruh fyrir að vera svona sýnileg á samfélagsmiðlum því að hún er hjálpa til við að brjóta steríótýpur sem snerta fólk með húðflúr – þá sérstaklega konur.
Samkvæmt Söruh þá þurfum við ekki að fórna hver við erum sem persóna til þess að elta drauma okkar – jafnvel þrátt fyrir að flestir sem velja ákveðinn frama séu með öðruvísi útlit eða framkomu en við.
Sarah lýsir sér sem litríkasta lækninum á Royal Adelaide spítalanum og hún ætlar sér að verða skurðlæknir.
Þar sem að hún hefur meðal annars verið á forsíðunni á Inked Magazine og var kosin Miss Inked Australia, þá varð Sarah vinsæl fyrir mörgum árum síðan og er með 100 þúsund fylgjendur á Instagram.
Þessi dyggi aðdáendahópur hennar er duglegur að deila myndum af henni og hjálpa fólki sem er með fyrirfram ákveðnar hugmyndir þegar kemur að fólki með tattú að skipta um skoðun.
Sarah fékk sér sitt fyrsta tattú þegar að hún var 16 ára gömul og er nú með tattú á öllum líkamanum nema á andlitinu.
Sarah sannar að við getum bara verið við sjálf og samt elt drauma okkar – og látið verkin tala fyrir okkur. Við þurfum ekki að gera eins og allir aðrir!