Hópur ísraelskra vísindamanna hafa verið að þróa byltingarkennda meðferð við skertri sjón. Með langri rannsóknarvinnu þá hafa þeir búið til nýja tegund augndropa sem geta læknað hornhimnur í augum og með því lagað nærsýni og fjarsýni.
Droparnir, sem eru kallaðir ,,nanodropar“ (e. „nanodrops“), voru notaðir til þess að laga sjón svína. Ef að þetta mun hafa sömu áhrif á mannfólk og svínin í rannsóknunum sem verða gerðar síðar í ár, þá gætu droparnir orðið til þess að enginn þurfi að nota gleraugu aftur.
Rannsakendur eru ekki ennþá vissir um hversu lengi þeir sem þurfa á dropunum að halda muni þurfa að nota þá áður en sjónin er algjörlega löguð. En ef að þau sanna að meðferðin virkar þá erum við að tala um algjöra byltingu þegar kemur að því að bæta sjón!
Ert þú spennt/-ur?