Venom með honum Tom Hardy var ein vinsælasta myndin árið 2018 og nú bíða allir spenntir eftir framhaldinu sem á að koma í kvikmyndahús um allan heim 2. október á þessu ári.
Woody Harrelson leikur Carnage, erkióvin Venom, og það litla sem við vitum um myndina lofar ótrúlega góðu!
Andy Serkis sem leikstýrir myndinni vill nefnilega halda eins mikilli leynd yfir henni og hann getur – en það hefur reynst erfitt þökk sé Tom Hardy, sem á það til að deila Instagram myndum eins og þessari.
Andy Serkis vildi greinilega ekki að við vissum að búið væri að klára myndina, því að Tom Hardy neyddist til að eyða þessari Instagram færslu út hjá sér.
Þetta er ekki í fyrsta skiptið sem Tom Hardy deilir myndum af settinu á Venom 2 sem Andy er ekki sáttur við – því hann þurfti líka að eyða þessari mynd út eftir að hann deildi henni á Instagram:
Sumum finnst þetta óþarfa smámunasemi hjá honum Andy Serkis, en við styðjum þetta heilshugar ef það eru einhverjar líkur á því að smámunasemin verði til þess að Venom 2 verði jafn góð og sú fyrsta – hvað þá ef hún verður enn betri en sú fyrsta fyrir vikið!
